https://www.klook.com/zh-HK/activity/208172?aid=32672
必玩 9 大沉浸式區域加上 26 項挑戰關卡，依家預訂仲可以享有早鳥 9 折優惠，啱哂鐘意刺激同挑戰嘅朋友。
玩樂並唔再只屬於小朋友！Kiztopia 旗下專為青少年同成人打造嘅室內運動競技場 XVENTURE，將於 5 月 15 日正式進駐康怡廣場。場內將高強度運動同創新科技完美結合，帶來多個極限挑戰體驗，適合想消耗體力又想打卡嘅香港人。
XVENTURE 最大嘅賣點之一，就係合共 9 大沉浸式主題區域同 26 個精心設計嘅挑戰關卡。無論你係運動高手定初階玩家，都可以喺唔同難度嘅關卡入面搵到屬於自己嘅樂趣，逐步提升自我挑戰極限。
重點推介包括 Jump Arena，玩家可以投入大型彈跳區，感受反地心引力嘅躍動快感；再到 Rope Course 空中繩網迷宮，設有 9 條唔同難度路線，考你膽量同協調力。至於 Ninja Course，則專門考驗極致平衡、專注力同爆發力，好適合作為訓練反應同體能嘅專屬場地。
場內仲設有全港最高嘅室內繩網陣，同全港最陡峭嘅極限垂直滑梯。玩家可以同三五知己一齊對戰，互相比拼通關速度，亦可以透過場內系統記錄個人進度，方便你一次又一次刷新自己最佳成績，同時影相打卡，分享成就。
如果你想試下新玩意、同時挑戰體能同意志，又想喺安全嘅室內環境放電，XVENTURE 絕對係近期不可錯過嘅室內運動好去處。由即日起門票已經於 Klook 上架發售，只要揀好心水日子同時段，就可以同老友一齊去康怡廣場大顯身手，展開屬於你哋嘅極限挑戰之旅。
